9-11 сыныптар аралығында «Адалдық сағаты» атты акция өтті

       Мектебімізде  17- қаңтар  күні, сағат 10.20 -да  9-11 сыныптар аралығында  «Адалдық сағаты»  атты акция  өтті. Мақсаты сыбайлас жемқорлыққа қарсы мәдениетті қалыптастыру, оқушыларды  адалдыққа, адамгершілікке, әділдік пен сенімділікке тәрбиелеу болды.  Акция барысында  оқушылар   сыбайлас жемқорлыққа қарсы іс-қимыл бағдарламаларымен, заңдармен таныстырылып, жан-жақты мағлұмат алды. Түрлі жағдаяттарды слайд пен бейнебаян арқылы талдап, адалдық пен арамдықтың, әділдік пен әділетсіздіктің ара жігін ажыратты.  

 Акцияға «Нұр Отан» партиясының мүшесі Жомартова Загипа Нуржакиповна қатысып, оқушыларды «Нұр Отан» партиясының 2015-2025 жылдарға арналған сыбайлас жемқорлыққа қарсы іс-қимыл бағдарламасымен таныстырды. Елімізде осы бағытта атқарылып жатқан жұмыстарға тоқталды. Оқушылармен адалдық тақырыбында пікір алмасып,  сұрақтарына жауап берді.  Акцияға 175 оқушы, 41 мұғалім, 12 ата-ана қатысты.