«Адалдық сағаты» атты тәрбие сағаты өткізілді
Мектебімізде 6- қараша күні 1-11 сыныптар аралығында «Адалдық сағаты» атты тәрбие сағаттары өтті. Мақсаты сыбайлас жемқорлыққа байланысты құқық бұзушылықтың алдын алу, оқушыларды адалдыққа, адамгершілікке, әділдік пен сенімділікке тәрбиелеу болды. Сабақ барысында оқушылар сыбайлас жемқорлыққа қарсы іс-қимыл бағдарламаларымен, заңдармен таныстырылып, жан-жақты мағлұмат алды. Түрлі жағдаяттарды талдап, адалдық пен арамдықтың, әділдік пен әділетсіздіктің ара жігін ажыратты.
5-сыныптардың тәрбие сағатына ардагер ұстаз Молдаханов Ермек Сағидолдаұлы қатысып, оқушылармен адалдық жайлы өз пікірімен бөлісті, ақыл-кеңесін айтты. 9-11 сыныптардың тәрбие сағатына «Нұр Отан» партиясының мүшесі Жомартова Загипа Нуржакиповна қатысып, оқушыларды «Нұр Отан» партиясының 2015-2025 жылдарға арналған сыбайлас жемқорлыққа қарсы іс-қимыл бағдарламасымен таныстырды. Елімізде осы бағытта атқарылып жатқан жұмыстарға тоқталды. Оқушылармен адалдық тақырыбында пікір алмасып, көптеген сұрақтарына жауап берді.