Ата-аналар конференциясы өтті

         Мектебімізде 22 қыркүйек күні, сағат 10.00-де 5-6-7-сынып ата аналарына арналған  «21 ғасырдағы  қазақстандық ата-ана: өз балаңа үлгі бол» атты республикалық  конференция өткізілді. Мектеп ұжымы ата-аналарды қарсы алып, тіркеу жүргізді.

         Мектеп дәлізінде «Ата-ана, сіздер үшін!» атты  көрме ұйымдастырылды.Көрмеде ата-аналарға қажетті психологиялық көмек материалдары, жаңартылған оқу мазмұнының ерекшеліктері туралы ақпарат қойылды. Сонымен қатар, ата-аналар үшін әлеуметтік- психологиялық кеңес көрсету пункті жұмыс жасады.

          Конференцияның модераторы, мектеп директоры Таймова А. М ашып, ата-аналарды ҚР Білім және ғылым министрлігі Балалардың құқықтарын қорғау  комитетінің Төрағасы  Оршыбеков Нұрбек Әбубекұлының үндеу хатымен таныстырды.

          Конференцияға 5-6-7-сыныптардың ата-аналарынан 283 ата-ана белсенділікпен  қатысты.

Келесі сөз кезегін  ата-ана, «Нұр Отан» партиясының мүшесі К.Т. Ешекеноваға берді. Ол кісі өз кезегінде ата-аналарды отбасы күні мерекесімен құттықтап, бүгінгі конференцияға  сәттілік  тіледі.

Келесі сөз кезегін ата-аналар қауымдастығының атынан «Қамқорлық» кеңесінің мүшесі А.Е. Кабдыкаримова  алып, ата-аналарды жаңа оқу жылымен құттықтады.

          Мектеп директоры Анна Мухамедановна келесі сөзді мектеп психологтарына берді.  Мектеп психологы Кудырышева М.Т. ата-аналарға жаксы көңіл күй тілеп, күн тәртібі бойынша балалардың ақпараттық қауіпсіздігін қамтамасыз ету: балаларды интернет арқылы түсетін  жағымсыз ақпараттан қалай қорғау қажет. Балаларда интернет-тәуелділік қалыптасуының алдын алу тақырыптары бойынша сөз сөйледі. 

         Келесі күн тәртібіндегі мәселе « Мектеп ортасына деструктивті діни ағымдар енгізудің алдын алу. Мектепке діни атрибутика киюге тыйым салу, алдын алу шарасы ретінде. Баланы бірыңғай үлгідегі мектеп формасымен қамтамасыз ету – әрбір ата-ананың әлеуметтік маңызды міндеті.» тақырыбы бойынша директордың тәрбие ісі жөнінен орынбасары А.Т. Кунанбаева сөз алды.

Конференциядағы кезекті сөзді мектеп психологы Косылханова Ш.Т. алып, Отбасылық құндылықтарды ілгерілету және нығайту: бала тәрбиесі үшін отбасы берекесінің  маңыздылығы. Балаға мектепте оқуға бейімделуге тиімді көмек шаралары: үш «Б» заңы: Бейімдеу, Бедел,Белсенділік. Нейро-психофизиологтардың болашақ бірінші сынып оқушылары – ұлдар мен қыздардың ата-аналарына арналған ұсынымдары. Баланың өзін-өзі бағалауын арттыру. Ойын, жағымды мотивация жасаудың үздік тәсілі ретінде деген мәселелер бойынша сөз қозғап, ата-аналар сұрақтарына жауап берді.

Жиналыс соңында ата-аналар сауалнамаларға жауап берді.

Жиналыс соңында 6 «А» сынып ата-анасы ШарапиеваГ. Т. сөз алып, конференция авторларына, мектеп әкімшілігіне өз алғысын білдірді.

Конфенренция барысын қалалық «Алдасапан» газетінің тілшісі  бақылап, мақала жарияланатынын айтты.

Конференция жайлы мектеп сайтында да  ақпарат жарияланды.