Сыбайлас жемқорлықтың алдын алуға бағытталған ата-аналар жиналысы
Мектебімізде 9 қазан күні, сағат 18.00-де мектепішілік ата-аналар жиналысы өтті. Жиналыстың мақсаты білім беру саласындағы сыбайлас жемқорлықтың алдын алу, жас ұрпақ бойына адамгершілік, шыншылдық мәдениетін сіңіру жолдарын жан-жақты талдау болды. Жиналысқа Қазақстан Республикасының сыбайлас жемқорлыққа қарсы іс-қимыл Агенттігінің ШҚО бойынша Департаментінің бас маманы Бекбаева Гүлнұр Айтқұрманқызы қатысты.
Жиналыстың күн тәртібінде төмендегі мәселелер қарастырылды.
1. Мемлекеттің сыбайлас жемқорлыққа қарсы саясаты
Тарих пәнінің мұғалімі: Есенбаева Ш.З.
2. "Адал ұрпақ" мектептің сыбайлас жемқорлыққа қарсы клубы және оның атқарып жатқан жұмыстары туралы
Директордың тәрбие ісі жөнінен орынбасары:
Кунанбаева А.Т.
3. ШҚО бойынша сыбайлас жемқорлықтың алдын алу бойынша атқарылып жатқан жұмыстар туралы
ШҚО бойынша сыбайлас жемқорлыққа қарсы іс-қимыл
Департаментінің бас маманы: Бекбаева Г.А.
3. «Жемқорлық індет-жою міндет» (пікірталас)
Өзін-өзі тану пәнінің мұғалімі:
Жомартова З.Н.
Жиналыс барысында ата-аналар сыбайлас жемқорлыққа қарсы іс-қимыл бағдарламаларымен, заңдармен таныстырылып, жан-жақты мағлұмат алды. ШҚО бойынша атқарылып жатқан жұмыстардан хабардар болды. Сонымен қатар, мектепте бала бойына адамгершілік, шыншылдық мәдениетін сіңіру жолдары туралы пікір алмасып, өз ойларын ортаға салды. Алдағы уақытта балалармен сыбайлас жемқорлықтың алдын алуға бағытталған іс-шараларға белсенді түрде қатысатындарын айтты.