Экосағат шеңберінде іс-шаралар өткізілді

Мектебімізде 3 қазан күні, сағат 10.00-де 1-11 сыныптар аралығында «Қазір баста!» ұранымен Экосағат өткізілді. Сабақ барысында оқушылармен табиғатқа, туған өлкеге ұқыпты қарау, табиғи ресурстарды сақтау, өсімдік және жануарлар әлемін, су ресурстарын сақтау, салауатты эко-әдеттерді дамыту және көптеген басқа мәселелерді талқылай отырып, диалог жүргізілді.  Сонымен қатар, сабақта танымдық ойындар, бейне-роликтерді қарау және талқылау, спикердің жеке тәжірибесі арқылы табиғи ресурстарды сақтау бойынша практикалық дағдылар орындалып, оқушылардың экология мәселесіне  саналы көзқарасын  қалыптастыру бағытында жұмыс жасалды.

 Экосабақтарға  арнайы шақырылған қонақ, Өскемен қаласының жастар ресурстық орталығының директоры Ахметжанов Ринат Ахметжанұлы қатысты. Ринат Ахметжанұлы оқушылармен  ел болашағы, экология мәселесі, табиғатты қорғау туралы пікір алысып, өз ойын ортаға салды.  Сабақтан соң оқушылар мектеп ауласына ағаш көшеттерін отырғызды. 

Өткізілген іс-шаралар көріністері