Тәуелсіздік күніне орай өткізілген іс-шаралар туралы
Тәуелсіздік күніне орай өткізілген іс-шаралар туралы хабарлама
Мектебімізде Тәуелсіздік күніне орай 9-14 желтоқсан аралығында біршама іс-шаралар өткізілді. Атап айтар болсақ, 9 желтоқсан күні 1-11 сыныптар арасында «Мен ұлы даланың ұлымын!» атты тәрбие сағаттары көш бастап, үлкен үзілістегі «Ел тарихының сырлары» аталған танымдық ойындармен, «Тәуелсіздік тарихы» атты радио хабарлармен өз жалғасын тапты. 10 желтоқсан күні 1«К», 5«А» сыныптарын «Жас сарбаз» қатарына қабылдау іс-шарасы салтанатты түрде өтті, түстен кейін тарих пәнінің мұғалімі Жақсыбай Д. 6-сыныптар арасында «Ұлы даланың жеті қыры» атты интеллектуалдық ойын ұйымдастырып, ұлы даланың тарихы туралы оқушыларға көп мағлұмат берді, жеңімпаздар марапатталды. 11 желтоқсан күні Республикалық «Жас ұлан» балалар мен жасөспірімдер ұйымына салтанатты қабылдау өткізілді, 150 оқушы «Жас Ұлан» қатарына қабылданды. Сонымен қатар, 8-сыныптар арасында Ахауова Ж.А. «Алтын сандық» ойынын өткізіп, оқушылардың танымдық қабілеттерінің артуына жағдай жасады. 12 желтоқсан күні 7-сыныптар арасында Тәжібаева Б.Р. жүргізген «Ұлы даланың киелі шаңырағы» интелектуалдық ойыны мәлім Қазақстанның беймәлім тұстарын ашып, оқушылардың қызығушылығын арттырды. 9-11 сыныптар арасындағы «Жаса, жайна, Қазақстан!» салтанатты іс-шарасы 13 желтоқсан күні өтті, оқушылар атаулы жылдарды сөйлете отырып, тамыры терең тарихтың қойнауына көрермендерді сапар шеккізіп қайтты. Тәуелсіздікке арналған іс-шаралардан ұстаздарымыз да қалыс қалмай, 14 желтоқсан күні «Тарихи әндер шеруі» атты шара өткізіп, тұғыры биік Тәуелсіздікке дейінгі еліміздің бастан кешкен зұлмат жылдар көрінісін әнмен жеткізді. Тәуелсіздік күніне орай өткізілген әр іс-шараға мектеп оқушылары толығымен қатысып, жоғарғы деңгейде өтуіне себепкер болды. (іс-шараға 1355 оқушы, 105 ұстаз қатысты)