1-сыныпқа қабылдауға арналған құжаттар топтамасы

Құрметті ата-аналар, ұстаздар және оқушылар!

1-сыныпқа өтініш қабылдау мерзімі ШҚО бойынша 2026 жылдың 10 маусымынан  31 тамызы аралығында Egov.kz электрондық үкімет порталы арқылы қабылданады.

 1-сыныпқа қабылдау тәртібі

1-сыныпқа  6 жасқа толған немесе осы жылы 6 жасқа толатын балалар ата-анасының (заңды өкілдің) жеке өтініші негізінде қабылданады. Бұл – мемлекеттік қызмет болып табылады.

Құжаттар Egov.kz электрондық үкімет порталы арқылы қабылданады.
Ата-аналар алдын ала өз баласын баратын мектепке тіркеп, портал арқылы өтініш бере алады.

Қажетті құжаттар тізімі

(Құжаттар көлемі 5 МБ-тан аспауы керек.)

• баланың туу туралы куәлігінің көшірмесі;

• 052-2/у нысандағы денсаулық паспорты;

• 3х4 көлеміндегі екі фотосурет;

• қажет болған жағдайда ПМПК қорытындысы (ерекше білім беруді қажет ететін балалар үшін).

Өтінішті:

• үй жағдайында,

• ХҚКО-ларда,

• мектептердегі өзін-өзі қызмет көрсету бұрыштарында
  беруге болады.