Бірінші сынып оқушыларының құжаттарын қабылдау 1-сәуірден басталады

Ағымдағы жылдың 1 сәуірінен бастап облысымызда жалпы білім беретін мектептердің 1-сыныбына құжаттарды қабылдау бойынша электрондық жүйе жұмыс істей бастайды. Биылғы жазда әр ата-ана мектепке өтінішті өткен жылғыдай үйден шықпай онлайн режимде бере алады.

Аталған қызметті ата-аналар электрондық цифрлық қолтаңбамен (ЭЦҚ) www.egov.kz порталы арқылы өтініш бере  алады. Өтініштерді 24/7 режимінде беруге болады, осылайша ата-аналар жұмыстан немесе үйден мектепке онлайн режимде өтініш беру мүмкіндігіне ие болады. 

Өтініш беру үшін сайтқа кіріп, қажетті ақпаратты толтырып, тиісті құжаттардың сканерленген көшірмелерін тіркеу керек.

 -- 026/у-3 үлгісі бойынша «Баланың денсаулық құжаты»;

 -- 063/у үлгісі бойынша баланың денсаулығы жөніндегі құжат;

 -- 3х4 өлшеміндегі екі фотосурет.

 -- Қазақстан Республикасының резиденті емес тұлғалар үшін:

 -- Көші-қон карточкасының электрондық көшірмесі.

Құжаттар толық болмаса және скан-көшірмелерді оқу қиын болса, қызмет көрсетуден бас тарту мүмкін.

Компьютер немесе интернет болмаған жағдайда, ата-аналар жақын маңдағы мектепке барып, қызметкерлерден көмек сұрай алады.